اسلام آباد ۔ 26جولائی (اے پی پی) صدر مملکت ممنون حسین عام انتخابات 2018 اچ بھرپور طریقے نال حصہ گھننڑ تے قوم دے جذبے دی تعریف کیتی تے آکھیا جو کوئٹہ اچ دہشت گردی دے سانحے دے باوجود قوم انتخابی عمل کوں کامیاب بنڑا تے ثابت کر ڈتے جو ملک تے قوم دا مستقبل جمہوری عمل نال وابستہ ہے ۔خمیس کوں ایوان صدر توں جاری بیان دے مطابق صدر مملکت ملک دے طول تے عرض اچ انتخابی عمل کوں کامیاب بنڑاونڑ سانگے الیکشن کمیشن ، قانون نافذ کرنڑ آلے اداریں دے ارکان تے عملے کوں وی ایں موقع تے شاباش ڈتی تے آکھیا جو فتح تے شکست نال قطع نظر انتخابی عمل دی شفافیت اتے قوم دا اطمینان ناگزیر ہے ، ایں سانگے ضروری اے جو قومی سیاسی جماعتاں تے انتخابی امیدواراں دا اطمینان یقینی بنڑایا ونجے ۔ ایں سلسلے اچ الیکشن کمیشن آف پاکستان تے سارے متعلقہ ادارے اپنڑیاں ذمہ واریاں پوریاں کرن۔ صدر مملکت توقع ظاہر کیتی جو انتخابی عمل اچ کامیابی حاصل کرنڑ آلیاں سیاسی قوقاں گروہی مفادات توں بلند تھی تے اپنڑی کامیابی کو ںملک تے قوم دی ترقی دا ذریعہ بنڑاون۔
