لاہور۔8 جولائی(اے پی پی ) نگران وفاقی وزیر اطلاعات تے نشریات ،قومی تریخ تے ادبی ورثہ سید علی ظفر آکھے جواحتساب عدالت دا فیصلہ الیکشن تے اثر انداز نی تھی سگدا اتے نہ ہی آئین اچ ایندی کوئی گنجائش ہے، الیکشن 25 جولائی کوں مقررہ وقت تے تھیسن‘ پاکستان ا چ قنون ساریاں سانگے برابر ہے‘ اگر عدالت نواز شریف اتے مریم نواز کوں ریلیف نہ ڈتا تاں وطن واپسی تے انہاں کوں گرفتار تھیونڑپوسی‘ کیپٹن (ر) صفدر دی گرفتاری دے حوالے نال نیب دی مدد کرنڑ حکومت دی ذمہ داری ہے ‘آبی ذخائر اتے ڈیم بنراونڑ دے نال نال پانڑیںدی بچت وی ضروری ہے‘ پانڑیں دی گھٹکی دے معاملے تے اساں ماہرین توں مدد منگی ہے تاں جو اساں ایجھی دستاویز تیار کرسگوں جیرھی جو آئندہ کیتے گائیڈ لائن بنڑ سگن ۔نگران وزیر اطلاعات اتوار کوں لہور پریس کلب دے پروگرام ”میٹ دی پریس“ اچ صحافیاں دے سوالاں دے جواب دیندے پئے ہن۔ ایں موقع تے لہور پریس کلب دے عہدیداراں اتے سینئر صحافیاں دی ودھ ساری تعداد موجود ہائی۔ نگران وفاقی وزیر صحافیاں دے ہک سوال دے جواب اچ آکھیا جو اگر عدالت ہک مقدمہ چلیندی پی ہے اتے ا وہ ایندے تے فیصلہ یا سزا سنڑیندی ہے تاں حکومت دا کم ایندے تے عملدرآمد کروانڑ ہوندا ہے جیندے نال عدالتاں مضبوط تھیندیاں ہن۔ انہاں آکھیا جو سابق وزیر اعظم نواز شریف اتے انہاں دی فیملی دے کیس اچ عدالت دافیصلہ آگئے جیں تے عملدرآمد کروانر حکومت دا کم ہے اگر ایندے تے انہاں کوں کوئی شکایت ہے تاں ایندی اپیل پہلے ہائیکورٹ اتے بعد اچ سپریم کورٹ اچ کیتی ونج جا سگدی ہے۔ انہاں و ¿کھیا جو ایندے تے کوئی شک نی ہونڑ چاہیدا جو حکومت نیب دی مدد کائناںکریسی، نیب کوں جیرھی مدد چاہیدی ہوسی حکومت ذمہ داری سمجھ تے پوری کریسی۔ اہم شخصیات دے ناں ای سی ایل پاونڑ دے حوالے نال ہک سوال تے انہاں آکھیا جو ای سی ایل تے بنڑئی گئی کمیٹی کنوں جیرھا وی معاملہ آوسی ایندے ہر پہلو دا غور نال جائزہ گھدا ویسی ‘ کمیٹی کنوں ڈھگ سارے معاملے آئے‘ کجھ تے فیصلے کیتے گئے اتے انہاں اچ ناں ای سی ایل اچ پاتے گئے اتے کجھ بارے سفارشاں بھےجیاں گھن‘ اساڈی کوشش ہے جو اساں ای سی ایل دے پراسیس کو ںمضبوط کروں تاں جو بعد اچ آونڑ آلے لوک وی ایں پراسیس کوں فالو کرین‘ زلفی بخاری دے حوالے نال سوال تے انہاں آکھیا جو انہاں دا ناں بلیک لسٹ اچ شامل ہائی جیرھا جو ہک عارضی فیصلہ سیکرٹری لیول تے ہوندے ، اگر زلفی بخاری دا ناں ای سی ایل اچ ہوندا تاں ا وہ کڈاہیں وی کابینہ منظوری دے بغیر باہر نہ ویندے‘ الیکشن دے موقع تے پولنگ سٹیشن تے صحافیاں دی رسائی دے حوالے نال سوال تے وفاقی وزیر آکھیا جو ایں سلسلہ اچ الیکشن کمیشن ہک ضابطہ اخلاق بنڑائے اتے ایں حوالے نال الیکشن کمیشن اتے وزارت انفارمیشن دے ڈو اجلاس تھئے ہن جنہاں اچ طے کیتے گئے نکات کوں شائع کیتا گئے ۔ انہاں آکھیا جو الیکشن دے شفاف طریقے نال کراونڑ سانگے ضروری ہوندے جو لوکل میڈیا دے نال نال فارن آبزورز کوں وی الیکشن نظر آونڑ چاہیدے لیکن فارن میڈیا کوں ایہ اجازت نی ڈے سگدے جوا وہ الیکشن دی مانیٹرنگ کرنڑ آوے کیوں جو انہاں دا مقصد کوئی بیا ہے ۔انہاں آکھیا جو الیکشن شفاف کراونڑ سانگے ضروری ہے جومیڈیا دی وی پولنگ سٹیشن تئیں مکمل رسائی ہونڑ چاہیدی ہے۔ نگران وفاقی وزیر ملک اچ ڈیماں اتے آبی ذخائر دی تعمیر دی اہمیت تے زور ڈیندے ہوئیں آکھیا جوپانڑیں اساڈے کنوں موجود ہے اتے پاکستان اوہ خوش قسمت ملک ہے جتھاں ماحولیاتی تبدیلی دے باوجود ترائے دریاواں اچ پانڑیں آسگدے اتے آنداراہسی‘ قیام پاکستان توں گھن تے ہنڑ تئیں اساںصرف ڈو ڈیم بنڑائے جڈاں جو 1965ءدی رپورٹ مطابق اساں 14 توں 20 ڈیم بناونڑ چاہیدے ہن ۔انہاں آکھیا جو اگراساں ڈیم نی بنڑیندے تاں پانڑیں کوں ضائع کرنڑ ایویں ہی ہوسی جیویں ہیراں کوں سمندر اچ بوڑ ڈتا ونجے‘ انہاں ڈیم دے نال نال آبی ذخائر بنڑاونڑ تے زور ڈتا اتے آکھیا جوباقی دنیا اچ پانڑیں تے 20 توں 25 فیصد ڈویلپمنٹ بجٹ خرچ کیتا ویندے جڈاں جو اساڈے اتھاں 5 توں 7 فیصد ہے‘ سید علی ظفر آکھیا جو آبی ذخائر اتے ڈیم بنڑاونر دے نال نال پانڑیں دی بچت وی ضروری ہے‘ اساں زراعت تے پانڑیں دے پرانڑے طریقے استعمال کرنڑ دی بجائے ڈراپ فار کراپ دا طریقہ استعمال کرنڑ چاہیدے‘ سیوریج دے پانڑیں کوں ٹریٹمنٹ دے بعد مختلف استعمال اچ گھن آونڑ چاہیدے ‘ ایں طرح اساںہر سال ہک ڈیم برابر پانڑیں بچا سگدوں ۔انہاں آکھیاجو پانڑیں دی گھٹکی دے معاملے تے اساں ماہرین توں مدد منگی ہے تاں جو ایجھی دستاویز تیار کرسگوں جیرھی جو آونڑ آلیاں سانگے گائیڈ لائن بنڑ سگے ۔ انہاں میڈیا تے زور ڈتا جو این ویلھے پرنٹ میڈیا اتے سوشل میڈیا وچال ہک مقابلہ تھیندا پئے‘ نوجوان نسل سوشل میڈیا تے انحصار کر یندی پی ہے لیکن ایندا وڈا مسئلہ ایں میڈیم تے چلنڑ آلیاں کوڑی خبراں دا چلنڑ ہے، اگر پرنٹ میڈیا سوشل میڈیا دا مقابلہ کرنڑ ہے تاں اینکوں سچ آلے پاسے توجہ ڈیونڑ چاہیدی ہے جیرھا جو سوشل میڈیا دا مقابلہ کرنڑ دا واحد طریقہ ہے۔چنگی اتے معیاری تعلیم ہر بال دا بنیادی حق ہے، کوئی قوم اوں ویلھے تئیں ترقی نی کر سگدی جڈاں تئیں اوہ تعلیم یافتہ نہ ہوئے‘ جیویںدہشت گردی دے کیخلاف جنگ‘ پانڑیں اتے بجلی دی بچت قومی ایشوز ہن ایویںای تعلیم کو ں وی قومی ایشو بناونڑ پوسی،اردو سائنس بورڈ سانگے موبائل لائبریری کوں وختی وڈا کیتا ویسی ۔
