اسلام آباد ۔ 23 جولائی (اے پی پی) پاک بحریہ دے سربراہ ایڈمرل ظفر محمود عباسی مالدیپ دے صدر عبداللہ یامین عبدالگاروم نال مالدیپ دے سرکاری دورے اچ ملاقات کیتی اتے ہکو جھیں معاملیاں خاص کر دفاعی تعاون، دہشتگردی دے خلاف جنگ اچ معاونت،مالدیپ آرمڈ فورسز کوں تربیت ، سازوسامان، تیکنیکی افرادی قوت اتے پیشہ ورانہ مہارتاں ڈیونڑ سودھے بحر ہند اچ امن و استحکام یقینی بنڑاونڑ کیتے علاقائی میری ٹائم سکیورٹی یقینی بنڑاونڑ تے زور ڈتا۔ایڈمرل ظفر محمود عباسی پاک بحریہ تے مالدیپ دی نیشنل ڈیفنس فورس کوسٹ گارڈدے گانڈھے تے زور ڈیندے ہوئیں ہک لینڈنگ کرافٹ میکا نائزڈ مالدیپ کوں تحفہ ڈیونڑ دا اعلان کیتے۔جمہوریہ مالدیپ دے صدرخطے اچ میری ٹائم سکیورٹی سانگے پاک بحریہ دیان کوششاں دی تعریف کیتی اتے مختلف شعبیاں اچ پاکستان نال تعاون تے اطمینان کیتا۔ایں توں پہلے پاک بحریہ دے سربراہ ڈیفنس اینڈ نیشنل سکیورٹی دے وزیر آدم شریف عمر اتے چیف آف ڈیفنس فورسز میجر جنرل احمد شیام نال ملاقاتاں کیتن جتھاں مالدیپ دے نیشنل ڈیفنس فورسز ہیڈکوارٹر زآونڑ تے مالدیپ آرمڈفورسز دے چاک وچو بند دستے پاک بحریہ دے سربراہ کوں سلامی ڈتی۔
