اسلام آباد ۔ 16 جولائی (اے پی پی)وفاقی وزیر قانون و انصاف بیرسٹر سید علی ظفرنال یو این ڈی پی پاکستان دے فاٹا گورننس پراجیکٹ چیف ٹیکنیکل سپیشلسٹ سکائی کرسٹنس ملاقات کیتی جیندے اچ فاٹا اتے پاٹا دے خیبرپختونخوا اچ انضمام بارے گالھ مہاڑ کیتی گئی۔ وفاقی وزیر قانون و انصاف بیرسٹر سید علی ظفرآکھیا جو فاٹا دے خیبر پختونخوا اچ انضمام سانگے مسائل تیکھے حل کیتے ویسن اتے فاٹا دے شہریاں کوں وی کے پی کے دے عوام جھیاں سہولتاں ملسن۔وفاقی وزیرمہمان کوں ڈسایا جو وزیراعظم فاٹا اتے پاٹا دے کے پی کے اچ انضمام توں بعد سہولتاں سانگے وفاق اتے کے پی کے دی سطح تے کمیٹیاں بنڑائن۔فاٹا گورننس پراجیکٹ چیف ٹیکنیکل سپیشلسٹ سکائی کرسٹنس آکھیا جو یو این ڈی پی آندے چار سالاں اچ فاٹا اچ تعلیم ،سماجی و معاشی ترقی ،قانون سازی اچ چنگائی اتے ثقافتی تعلقات سانگے 26 ملین ڈالر ڈیسی۔
