اسلام آباد ۔ 3 جولائی (اے پی پی) نگران وفاقی وزیر قومی صحت محمد یوسف شیخ آکھیے جو پاکستان کوں پولیو فری ملک بنڑاونڑ سانگے کوئی کسر کائناں چھوڑی ویسی جڈاں جو کئی چیلنج دا سامنڑاں کرنڑ دے باوجود پولیو دے خاتمے اچ پیش رفت تے کنٹری ٹیم قابل ستائش اے ۔انہاں اے گال پولیو دے خاتمے بارے وزارت قومی اعلیٰ سطح اچ اعلیٰ سطحٰ اجلاس دے دوران آکھی جیں اچ وفاقی وزیر پولیو دے خاتمے بارے نیشنل کوآرڈینیٹر ڈاکٹر رانا محمد صفدر پولیو دے کیساں اچ گھٹکی گھن آونڑ تے پولیو دے پورے خاتمے بارے تفصیلی بریفنگ ڈتی تے وزیر کوں 2018-19دے دوران پولیو وائرس دے گھٹ کھنڈنڑ آلے سیزن دی حکمت عملی بارے بریف کیتا ۔بریفنگ اچ سیکرٹری وزارت قومی صحت کیپٹن ریٹائرڈ زاہد سعید اتے وزارت قومی صحت دے ڈائرےکٹر جنرل ڈاکٹر اسد حفیظ وی موجود ہن ۔ ڈاکٹر رانا صفدر ڈسایا جو پولیودا پوراخاتمہ حکومتی عزم اتے کوششاں دے بغیر ممکن کائناں ہئی جڈاں جو 2014ءاچ پولیو دے 306کیس ہن جیرھے جو 2015اچ 54، 2016اچ 20اتے ہنڑ 2018اچ اٹھ ہن۔بریفنگ دے دوران سیکرٹری صحت پولیو دے صف اول دے کارکناں دی محنت اتے کوششاں دی تعریف کریندے ہوئیں حفاظتی ٹےکہ جات دے نظام اچ خامیاں کوں پرے کرنڑ دی ضرورت تے زور ڈتا ۔وفاقی وزیر برائے قومی صحت آکھیا جو اساکوں پولیو دے پورے خاتمے سانگے سنجیدگی نال کم جاری رکھنڑاں ہوسی جیویں پہلے کیتا گے ۔
