اسلام آباد ۔ یکم اگست (اے پی پی) الیکشن کمیشن آکھیے جو کامیاب امیدواراں سانگے انتخابی خرچے دے گوشوارے جمع کراونڑ لازمی ہے ایندے بعد ہی انہاں دی کامیابی دے نوٹیفکیشن جاری کیتے ویسن ۔ ہک جاری بیان اچ الیکشن کمیشن عام انتخابات 2018ءاچ کامیاب تھیونڑ آلے سارے ارکان کوں ہدایت کیتی گے جو وختی توں وختی اپنڑے خرچے دے گوشوار ریٹرننگ افسر دے جمع کرا ڈیون تاں جو انہاں دی کامیابی دا نوٹیفکیشن جاری تھی سگے۔ واضح رہے جو انتخابات دے گوشوارے جمع کراونڑ سانگے الیکشن کمیشن سارے کامیاب امیدواراں کوں 4 اگست تئیں دا وقت ڈتا ہویا ہے حالی تئیں کہیں وی کامیاب امیدوار اپنڑے انتخابی خرچے دی تفصیل الیکشن کمیشن کوں جمع کائنی کرائی ۔
