اسلام آباد ۔ 28 اگست (اے پی پی) وزیر پٹرولیم غلام سرور خان آکھیے جو کوشش ہے جو تاپی منصوبہ اساڈے دور اچ مکمل تھی ونجے ۔ منگل کوں سینٹ اجلاس اچ وقفہ سوالات دوران سینیٹر چوہدری تنویر خان دے سوال دے جواب اچ وزیر برائے پٹرولیم غلام سرور خان ڈسایا جو وزارت تیل تے گیس ترکمانستان اتے پاکستان دی وزارت توانائی وچال ایندھن اتے توانائی دے شعبیں اچ تعاون کوں بیاودھاونڑسانگے 16 مارچ 2017ءکوں دستخط کیتے گئے ہن ایندے زیادہ پیشرفت نی تھئی۔انہاں ڈسایا جوایہ ایم او یو پنج سالاں سانگے ہے، کوشش ہے اساڈے دوراچ تاپی منصوبہ مکمل تھی ونجے۔ انہاں آکھیا جیرھا کم پچھلی حکومت نی کر سگی کوشش کریسوں جو اساں کروں۔
