اسلام آباد ۔ 2 اگست (اے پی پی) پاکستان تحریک انصاف دے مرکزی رہنما فواد چوہدری آکھیے جو نویں وزیراعظم دی حلف برداری دی تقریب سادہ اتے پروقار انداز اچ منعقد کرنڑ دا فیصلہ کیتا گے ۔ چیئرمین تحریک انصاف عمران خان دے کجھ نیڑے دے دوستاں دے علاوہ کہیں غیرملکی شخصیت کوں کائناں سڈیا ویسی ۔ خمیس کوں پاکستان تحریک انصاف دے مرکزی رہنما فواد چوہدری ذرائع ابلاغ دے نمائندیں نال گال مہاڑ کریندے ہوئیں آکھیے جو نویں وزیراعظم عمران خان دی تقریب حلف برداری پروقار اتے قومی تقریب ہوسی۔ تحریک انصاف اے تقریب بہوں سادہ رکھنڑ دا فیصلہ کیتے ۔ایندے اچ عمران خان دے کجھ نیڑے دے دوستاں دے علاو ہ کہیں غیرملکی شخصیت کو ں نہ سڈنڑدا فیصلہ کیتا گے ۔تقریب نال کہیں قسم دے تعیش یا تکلف دا اظہار کائناں کیتا ویسی ۔
