پاکستان اتے ایران تریخی،مذہبی اتے ثقافتی رشتیاں اچ جڑیے ہوئین،ڈوہیں ملکاں آپسی رابطے اتے عوامی سطح تے رابطے دے ودھارے نال خطہ اچ ترقی تے خوشحالی سانگے کلیدی حیثیت رکھیندن،پاکستان ڈوہیں ملکاں دے فائدے اچ مختلف شعبیاں اچ ڈو پاسہ تعلقات کوں مضبوط بنڑاونڑ سانگے ہرممکن کوششاں کریسن،مسلم ملکاں کوں اسلام فوبیا کوں کٹھے تھی کراہیں روکنڑ دی لوڑھ اے،حضرت محمد دی محبت اتے احترام ہر مسلمان دے عقیدے دا لازمی حصہ اے اتے کہیں کوں انہاں دی شان اچ گستاخی دی موکل کائنا ڈتی ویسی،وزیراعظم عمران خان
اسلام آباد ۔ 31 اگست (اے پی پی) وزیراعظم عمران خان خطہ اچ امن اتے استحکام دی بحالی تے زور ڈیندیں ہوئیں آکھیا جو پاکستان اتے ایران تریخی،مذہبی اتے ثقافتی رشتیاں اچ جڑیے ہوئین،ڈوہیں ملکاں آپسی رابطے اتے عوامی سطح تے رابطے دے ودھارے نال خطہ اچ ترقی تے خوشحالی سانگے کلیدی حیثیت رکھیندن،پاکستان ڈوہیں ملکاں دے فائدے اچ مختلف شعبیاں اچ ڈو پاسہ تعلقات کوں مضبوط بنڑاونڑ سانگے ہرممکن کوششاں کریسن،مسلم ملکاں کوں اسلام فوبیا کوں کٹھے تھی کراہیں روکنڑ دی لوڑھ اے،حضرت محمد دی محبت اتے احترام ہر مسلمان دے عقیدے دا لازمی حصہ اے اتے کہیں کوں انہاں دی شان اچ گستاخی دی موکل کائنا ڈتی ویسی۔انہاں اے گالھ ایرانی وزیر خارجہ جواد ظریف نال گالھ مہاڑ کریندیں ہوئیں آکھی جنہاں جمعہ کوں انہاں نال ملاقات کیتی۔ایرانی وزیرخارجہ ایران دی قیادت اتے عوام ولوں وزیراعظم دا منصب سانبھنڑ تے مبارک ڈتی تے آکھی اجو ایران پاکستان اچ مسلسل ترقی اتے خوشحالی دی خواہش رکھیندے۔جواد ظریف وزیراعظم کوں اکتوبر 2018ءاچ ایران اچ ایشیائی تعاون مکالمہ (اے سی ڈی) سانگے دعوت ڈیندیں ہوئیں ایرانی صدر حسن روحانی دا سنھیا پجایا۔
