اسلام آباد ۔ 31 اگست (اے پی پی) وزیر خزانہ اسد عمر آکھیے جو ٹیکس دہندگان اتے فائلرز وچال فرق کرنڑ پوسی، ٹیکس دہندگان دی تعداد 10 لکھ توں ودھا تے 30 لکھ کرنڑ دی گنجائش موجود ہے، حکومت جامع ٹیکس اصلاحات حکمت عملی بنڑیسی، آندے ہفتے ایں حوالے نال اہم اجلاس ہوسی۔ جمعہ کوں سینٹ اچ وقفہ سوالات دوران سینیٹر اعظم سواتی دے سوال دے جواب اچ وزیر خزانہ اسد عمر آکھیا جو ملک اچ ٹیکس دہندگان دہ تعداد 16 لکھ 22 ہزار 215 ہے، اصل اچ 10 لکھ ہے، ایف بی آر دے نوین چیئرمین دا تقرر کر ڈتا گئے، جامع ٹیکس اصلاحات حکمت عملی بنڑائی ویسی جیرھا جو پہلے گھٹ تھئے اینکوں اگی تے ودھیسوں، آندے ہفتہ عمل درآمد دے حوالے نال اجلاس تھیسی۔ سینیٹر ہارون اخترآکھیے جو نویں پاکستان اچ سبھ توں اہم کردار نویں وزیر خزانہ دا ہوسی، ان ہاں دے ایں بیان دا خیرمقدم کریندا ہاں جو کم ہنڑ تئیں تھئے اینکوں اگی تے ودھیسوں۔ انہاں آکھیا جو ٹیکس دہندگان اتے ٹیکس فائلرز اچ فرق کرنڑپوسی ہوگا جیویں جو متعلقہ وزیروی آکھے ۔ وزیر خزانہ آکھیا جو ہارون اختر دیاں پالیسیاں اتے انہاں دے کردار دی کاروباری برادری تعریف کریندی ہے۔ انہاں آکھیا جو ٹیکس دہندگان دی تعداد 10 لکھ توں ودھا تے 30 لکھ کیتی ونج جا سگدی ہے، اتنی گنجائش موجود ہے۔
