اسلام آباد ۔ 21 اگست (اے پی پی) پاکستان کابل اچ صدارتی محل دے نیڑے عید دے اجتماع دے دوران راکٹ حملے دی ودھ ساری مذمت کریندے ہوئیں ساریاں پارٹیاں تے زور دتے جو او افغان حکومت دی جنگ بندی تے عمل کرن ۔منگل کوں وزیراعظم عمران خان دہشت گردی دے حملے دی مذمت کریندے ہوئیں آکھیا جو عید دے موقع تے نشوم شہریاں کوں نشانہ بنڑاونڑ قابل مذمت ہے ۔انہاں آکھیا جو دہشت گردی دے خاتمے سانگے کیتیاں ونجنڑ آلیاں کوششاں اچ اساں افغان حکومت تے عوام دے نال ہوں ۔انہاں آکھیا ایں طرح دے بزدلانہ حملے دہشتگرداں دی شکست خوردہ نیت دی عکاسی کریندن ۔ وزارت خارجہ کابل اچ سفارتی علاقے دے نیڑے افغان صدر اشرف غنی ولوں عید دے اجتماع اچ تقریر دے دوران راکٹ فائر کیتے ونجنڑ دے واقعے دی ودھ ساری مذمت کیتی اے ۔
