اسلام آباد ۔ 8 اگست (اے پی پی) نگران وفاقی وزیر صحت محمد یوسف شیخ آکھیے جو پاکستان اپنڑے عوام دی سماجی اتے اقتصادی ترقی کو ںیقینی بنڑاونڑ سانگے ہر شہری دی جسمانی صحت تے تندرستی دے سلسلے اچ ایجنڈے تے کامیاب عمل درآمد کرنڑ چاہندے جڈاں جو پاکستان پائیدار ترقی دے اہداف دے ایجنڈے تے یونیورسل ہیلتھ کوریج (یو ایچ سی)دے حصول سانگے پرعزم ہے۔ انہاں ان خیالاں دا اظہار نیشنل یونیورسل ہیلتھ کوریج بارے ترجیحات اتے فائدے دے پیکیج بارے اجلاس نال خطاب کریندے ہوئیں کیتا ۔ وفاقی وزیر قومی صحت محمد یوسف شیخ آکھیا جو یونیورسل ہیلتھ کوریج تے عملدرآمد دا تقاضا ہے جو انہاں کوں مداخل دا احاطہ کیتا ونجے جیرھا جو بیماری اتے موت دا سبب ہن تے ایں ضمن اچ بیماریاں کوں روکنڑ ، علاج معالجہ ،تے بحالی دی خدمات تے توجہ ڈتی ونجے ۔وفاقی وزےر قومی صحت آکھیا جو ہسپتال ، بیماری اتے طبی نگہداشت تے مبنی ماڈلز دے نال ہیلتھ دے ایں نظام دی صلاحیت کوں ضیان پجیندے جیرھا جو مالی لحاظ نال سستا ، اعلیٰ معیاری، مساوی اتے یکساں پائیدار طبی نگہداشت دی فراہمی کریندے تے ایں سانگے حکمت عملی داتقاضا ہے جو لوکاں تے کمیونٹی کوں انہاں دے مرکز اتے مربوط طورتے وختی خدمات فراہم کرنڑ آلے ماڈل تے مرکوز کرنڑ سانگے اصلاحات کیتیا ونجن ۔انہاں آکھیا اساں پاکستان اچ صحت دے ضروری پیکیج توں بھرپور استفادے سانگے عالمی ادارہ صحت اتے بئے شراکت داراں دے نال رل تے کم کرنڑ سانگے پرعزم ہوں ۔اجلاس اچ صوبائی محکمہ صحت دے نمائندیں ، عالمی ادارہ صحت تے بین الاقوامی اداریں دے ماہرین ، دانشوراتے بئے حکام شرکت کیتی ۔
