اسلام آباد ۔ 23 اگست (اے پی پی) وزیر خارجہ شاہ محمود قریشی آکھیے جو پاکستان ڈے گرفتار بھارتی جاسوس کلبھوشن یادیو دے خلاف ٹھوس ثبوت ہن تے عالمی عدالت انصاف (آئی سی جے) اچ اساکوں کامیابی مل ویسی ۔ملتان اچ میڈیا نال گال مہاڑ کریندے ہوئیں وزیر خارجہ شاہ محمود قریشی آکھیا جو کوشش کریسوں جو عالمی عدالت اچ اپنڑاں موقف موثر طورتے پیش کروں۔انہاں ہک سوال دے جواب اچ آکھیا جو وزیراعظم عمران خان قوم نال اپنڑے پہلے خطاب اچ عام آدمی دے جذبات دی ترجمانی کیتی تے کابینہ دے پہلے اجلاس اچ انہاں وڈے فیصلے کیتے۔انہاں آکھیا اساں عمران خان دی رہنمائی اچ اگی تے ودھنڑ دی کوشش کریسوں ،اساکوں کجھ تلخ فیصلے کرنڑیں ہوسن جیں سانگے قوم کوںتیار رہنڑاں ہوسی ۔
