اسلام آباد ۔ 19 اگست (اے پی پی) پاکستان تحریک انصاف دے رہنما چوہدری محمد سرورآکھیے جو پی ٹی آئی دی حکومت عوام کوں سہولتاں ڈیسی، میرٹ یقینی بنڑایا ویسی۔ ہک نجی ٹی وی نال الویندے ہوئیں انہاں دا آکھنڑ ہا جو ملکی ترقی کیتے 100 ڈینہہ دا روڈ میپ ڈتا گیا ہا،پی ٹی آئی ملک توں کرپشن منڈھو مکیسی اتے کوئی وی قانون توں باہرو نہ ہوسی۔انہاں آکھیے جو پاکستان تحریک انصاف نینگران دی جماعت اے جیہڑی ملک اچ تبدیلی گھن آسی اتے پاکستان اپنڑے ہمسائیہ ملکاں سودھے خطے دے سارے ملکاں نال چنگے تعلقات چاہندے۔ انہاں مقبوضہ کشمیراچ بھارتی مظالم دی مذمت کیتی۔
