نیویارک ۔23 ستمبر(اے پی پی) اقوام متحدہ دی جنرل اسمبلی دا اعلی سطح اجلاس (سبھائیں)منگل توں شروع تھیسی، وزیر خارجہ شاہ محمود قریشی 29 ستمبر کوں اجلاس نال خطاب کریسن، اپنڑے غیر ملکی ہم منصباں نال وی ملسن۔قوام متحدہ دی جنرل اسمبلی دے اجلاس اچ جنگ اتے امن دے مسائل سودھے موسمیاتی تبدیلی، ایٹمی خطرات، پائیدارترقی اتے جاری چیلنجز بارے اقوام عالم دے رہنما گالھ مہاڑ کریسن۔ پاکستانی وفددی اگوانڑی وزیرخارجہ شاہ محمود قریشی کریندے پین۔اے نویں پاکستانی حکومت دااقوام متحدہ نال پہلی اعلی سطح رابطہ ہوسی جیندے کیتے پاکستانی سفیر ملیحہ لودھی اتے انہاں دی ٹیم اقوام متحدہ اچ پاکستانی مشن اچ مصروف اے ۔ وزیر خارجہ29ستمبر کوں اقوام متحدہ دی جنرل اسمبلی دے اجلاس نال خطاب کریسن۔193 رکنی جنرل اسمبلی جمعہ کوں جنرل اسمبلی دے 73 ویں سیشن دے ایجنڈا دی منظوری ڈتی ہئی۔
