اسلام آباد ۔ 10ستمبر (اے پی پی) سپیکر قومی اسمبلی اسد قیصر دی صدارت اچ سنوارکوں پارلیمنٹ ہاﺅس اچ انفارمیشن ٹیکنالوجی اتے ای گورنمنٹ دے حوالے نال اجلاس تھیا جیں اچ قومی اسمبلی سیکرٹریٹ اتے انفارمیشن ٹیکنالوجی بورڈ دے اعلیٰ افسراں شرکت کیتی ۔ اجلاس اچ سپیکر کو انفارمیشن ٹیکنالوجی بورڈ ای گورنمنٹ بارے بریفنگ ڈتی۔ سپیکر قومی اسمبلی ایں موقع تے گال مہاڑ کریندے ہوئیں آکھیا جو اساں دنیا دے نال رل تے چلنڑاں ہے ایں سانگے ٹیکنالوجی دے جدید تقاضیں دے مطابق چلنڑاں ہوسی ۔ای گورنمنٹ دے استعمال نال کاکردگی کوں بہتر بنڑایا ونج سگدے تے وقت دی بچت کیتی ونج سگدی اے ۔انہاں آکھیا خیبر پختونخوا اسمبلی اچ بحیثیت سپیکر انہاں ای ٹیکنالوجی دا اجرا کروایا جیں دے چنگے نتیجے سامنڑے آئے ۔قومی اسمبلی سیکر ٹریٹ اچ وی ایں ٹیکنالوجی کوں ودھایا ونجے ۔قومی اسمبلی سیکر ٹریٹ ولوں اجلاس کوں ڈسایا گیا جو اسمبلی سیکر ٹریٹ اچ ای گورنمنٹ دا اجرا تھی گے تے سیکر ٹریٹ دے اعلیٰ افسراں تے عملے کوں ایں ٹیکنالوجی دی تربیت ڈتی گی اے ۔انہاں ہدایت کیتی جو ایں کم کوں تکھا کیتا ونجے تے موثر بنڑایا ونجے جیں نال کاغذ تے آونڑ آلے خرچے گھٹ تھیسن تے کفایت شعاری کوں ودھارا ملسی تے موجود ہ حکومت دی اے پہلی ترجیح اے ۔
