اسلام آباد ۔ 30 ستمبر (اے پی پی) وزیر مملکت برائے پارلیمانی امورعلی محمد خان آکھیے جو حکومت قومی اداریاں دی مضبوطی تے یقین رکھیندی ہے ۔ریڈیو پاکستان نال گالھ بات کریندے ہوئیں انہاں آکھیے جو اداریاں دی کارکردگی ٹھیک بناونڑ سانگے اصلاحات ضروری ہن اتے ا یہ وقت دی ضرورت وی ہے جو اداریاں کوں خود مختار بنڑایا ونجے۔انہاں آکھیا جو وزیر اعظم عمران خان اتے پاکستان تحریک انصاف دا وی ایہ نقطہ نظر ہے جو اداریاں توں سیاسی اثرو رسوخ ختم کیتا ونجے۔ ریڈیو پاکستان داحوالہ ڈیندے ہوئیں انہاں آکھیا جو ریڈیو پاکستان ہک تریخی ادارہ ہے، جیرھا جوساری دنیااچ پاکستان دا مثبت تشخص اجاگر کرنڑ اچ اہم کردار ادا کریندا پئے۔
