اسلام آباد ۔ 13 ستمبر (اے پی پی) صدر مملکت ڈاکٹر عارف علوی نال وفاقی وزیر برائے اطلاعات، نشریات و قومی ورثہ چوہدری فواد حسین ایوان صدر اچ ملاقات کیتی ۔ ایں دوران وزیراعظم دے معاون خصوصی افتخار درانی اتے سینیٹر فیصل جاویدوی موجود ہن۔ صدر مملکت ااکھیا جو اپنڑیاں ذمہ آئینی تقاضیاں دے مطابق نبھیسن اتے ملک اچ تعلیم و صحت دے شعبیاں اچ چنگائی کیتے کردار ادا کریسن۔صدر مملکت، چیف جسٹس اتے وزیراعظم پاکستان ولوں نویں ڈیم بنڑاونڑ کیتے فنڈ کٹھے کرنڑ دی مہم دی تعریف کیتی اتے آکھیا جو شجر کاری مہم کوں ودھ چڑھ تے ٹوریا ونجے تاں جو موسمیاتی اثرات توں بچیا ونج سگے۔وفاقی وزیر اطلاعات، نشریات و قومی ورثہ چوہدری فواد حسین انہاں کوں صدر مملکت دا عہدہ سنبھالنڑ دی مبارک ڈتی۔
