اسلام آباد ۔ 11ستمبر (اے پی پی) چیئرمین سینیٹ محمد صادق سنجرانی آکھیے جو قائداعظم محمد علی جناحؒ دیاں انتھک کوششاں نال قیام پاکستان دا خواب شرمندہ تعبیرتھیا۔ قائداعظم محمد علی جناحؒ دی 70 ویں برسی دے موقع تے پیغام اچ انہاں آکھیا جو قائد پاکستان دی خدمات کوں خراج عقیدت پیش کریندے ہوئیں محمد علی جناح ہمیشہ ہر اوکھے وقت اچ سینہ سپر رہیے تے کڈاہیں وی اصولاں تے سودا بازی نہ کیتی تے نہ ہی اپنڑاں فیصلہ کہیں تے مسلط کرنڑ دی کوشش کیتی ۔محمد علی جناح ہمیشہ نظم و ضبط ،آزادی تے جمہوریت تے قانون دی حکمرانی تے سماجی انصاف دے رہنما اصولاں تے ثابت قدم رہیے ۔ چیئرمین سینیٹ آکھیا جو قائد اعظم محمد علی جناحؒ دے پاکستان سانگے اساکوں مزید محنت عملی جدو جہد کرنڑیں ہوسی تاں جو مملکت پاکستان ہک خوشحال تے فلاحی ریاست بنڑ سگے ۔ قائداعظم ؒ دی کامیابی قوماں دی جدوجہد آزادی دی تاریخ دا منفرد واقعہ ہئی جیرھا عدم تشدد دے اصولاں تے کاربند رہنڑ نال ظہور پذیر تھیا ۔
