اسلام آباد ۔ 12ستمبر (اے پی پی) صدر مملکت ڈاکٹر عارف علوی قومی اسمبلی دااجلاس جمعے دے تریجھے پہر چار وجے پارلیمنٹ ہاﺅس اچ سڈ گھدے ،قومی اسمبلی سیکر ٹریٹ دے مطابق صدر مملکت قومی اسمبلی دا اجلاس آئین دے آرٹیکل 54 (I)دے تحت حاصل اختیارات کوں استعمال کریندے ہوئیں سڈیے۔ واضح رہے جو 25 جولائی دے عام انتخابات اچ منتخب تھیونڑ آلی قومی اسمبلی دا اے پہلا باقاعدہ سیشن ہو سی جیں اچ اہم قومی امور سمیت ایوان دی معمول دی کارووائی نبیڑی ویسی۔
