اسلام آباد ۔ 20ستمبر (اے پی پی) چیئرمین سینیٹ محمد صادق سنجرانی آذربائیجان دے صدرالہام علیوف نال ملاقات کریندے ہوئیں ویزا پالیسی اچ نرمی گھن آونڑ سانگے پاکستان تے آذر بائیجان وچال براہ راست ہوائی سفر دی سہولت دی تجویز ڈیندے ہوئیں آکھیے جو ایندے نال ڈوہیں ملکاں وچال سانجھی تجارت ،سرمایہ کاری تے سیاحت دے شعبے کوں ودھارا تھیسی ۔سینیٹ سیکر ٹریٹ ولوں خمیس کوں جاری تھیونڑ آلے بیان دے مطابق انہاں آکھیا جو ڈوہیں ملکاں وچال موجودہ اقتصادی تعلقات کوں مزید موثر بنڑاونڑ وقت دی اہم ضرورت اے ۔چیئر مین سینیٹ آکھیا جو ڈوہیں ملک ہک ڈوجھے دے نقطہ نظر دی ہمیشہ حمایت کیتی جیںدا واضح ثبوت مسئلہ کشیر رے ناگورنو کارابا خ دے مسلے ہک ڈوجھے دے موقف دی تائید اے تے بین الاقوامی سطح تے وی مثالی تعاون ڈیکھنڑ اچ آئے ۔
