اسرائیلی طیارے دی پاکستان آونڑ اچ کوئی حقیقت کائنی،سعودی عرب دے پیکیج اچ کوئی شرطاں کائنی،وزیر خارجہ شاہ محمود قریشی

اسلام آباد ۔ 30 اکتوبر (اے پی پی) وزیر خارجہ شاہ محمود قریشی اسرائیلی طیارے دے پاکستان آونڑ کوں من گھڑت اتے بے بنیاد آکھدیں ہوئیں آکھیا جو ایں گالھ اچ کوئی حقیقت کائنی ،سعودی عرب دے پیکیج اچ کوئی شرطاں کائنی۔منگل کوں قومی اسمبلی اچ سردا ایاز صادق ولوں چاتے گئے نکتہ دا جواب ڈیندیں ہوئیں وزیرخارجہ شاہ محمود قریشی آکھیاجواسرائیلی طیارے دی پاکستان آمد دی خبر من گھڑت اتے بے بنیاد اے۔ایں دی وزارت خارجہ اتے سول ایوی ایشن اتھارٹی ولوں بار بار وضاحت کیتی گئی اے ۔