نیویارک ۔ 4 اکتوبر (اے پی پی) اقوام متحدہ اچ پاکستان دی مستقل مندوب ڈاکٹر ملیحہ لودھی آکھیے جو پاکستان اپنڑی سرزمین توں دہشت گرداں دے سارے ٹھکانڑیں ختم کر ڈتن تاں جو ہنڑ پاکستان کوں سرحد پار توں دہشت گردی دے وڈے خطرے دا سامنڑاں اے ۔ اقوام متحدہ دی جنرل اسمبلی دی چھیویں (لیگل) کمیٹی دے اجلاس نال خطاب کریندے ہوئیں پاکستان دی سفیر ملیحہ لودھی آکھیے جو باہرلے ملک توں درپیش دہشت گردی دے خطرے دا مقابلہ اپنڑی مغربی سرحد تے بارڈر مینجمنٹ تے جامع عملدرآمد دے ذریعے کریندا پے ۔ انہاں آکھیے جو دہشت گرداں اتے انہاں دیاں مذمو م کاروائیاں دی وجہ توں میڈے ملک دا عزم کڈاہیں وی متزلزل کائنی تھیا تے اساں ایں لعنت دے خاتمے سانگے دہشت گرداں دی پوری شکست تئیں لڑائی جاری رکھی ۔ اقوام متحدہ اچ پاکستان دی مستقل مندوب ملیحہ لودھی دہشت گردی بارے بحث اچ حصہ گھندے ہوئیں آکھیے جو پاکستان اچ ایں وقت امن تے استحکام دی صورت حال دہشت گردی دے خلاف جامع اپروچ دا نتیجہ ہے۔ پاکستانی سفیر اپنڑے خطاب اچ آکھیا جو بارڈر مینجمنٹ دے نظام تے عملدرآمد دی تفصیل وی بیان کیتیاں تے آکھیا جو پاکستان انہاں اقدامات دے نتیجے اچ سرحد پار توں عسکریت پسنداں دی آمدورفت، اسلحہ دی سمگلنگ اتے منشیات دی غیرقانونی نقل و حمل اتے سمگلنگ کوں رورکنڑ دے قابل تھی ویسی
