اسلام آباد ۔ 11 اکتوبر (اے پی پی) وزیر اعظم عمران خان گزریل 10 سالاں اچ قرضیں داحجم 6 ہزار ارب روپے توں 30 ہزار ارب روپے تئیں ودھنڑ تے تشویش دا اظہار کریندے ہوئیں وزارت خزانہ کوں ہدایت کیتی اے جو او گزریل 10سالاں اچ گھدے ونجنڑ آلے قرضے دی وجوہات تے ایندے استعمال دا تفصیلی جائزہ پیش کیتا ونجے ،ماضی دے قرضے دیاں قسطاں دی ادائیگی سانگے مزید قرضے گھننڑیں پوندے پن ،نواں پاکستان ہاﺅسنگ منصوبہ بہوں اہم اے تے ایندی تکمیل نال اساڈی معیشت اچ بہتری آسی ۔خمیس کوں وزیراعظم آفس اچ وفاقی کابینہ دے اجلاس دی صدارت کریندے ہوئیں انہاں آکھیا جو وزارت خزانہ نال قرضے دی تفصیلات پچھن تے ہدایت کیتی اے جو اے تفصیلات ڈتیاں ویسن اے قرضے کیرھے منصوبے تے خرچ تھن تے ایندے نال کیرھے آبی ذخیرے بنڑائے گن ، اے پیسہ کتھاں گیا ، کیرھے وڈے منصوبے مکمل تھن تے ایندے نال ملک کوں کیا فائدہ تھے ۔انہاں آکھای گزریل 10 سالاں اچ گھدے گے قرضے 6 ہزار ارب روپے توں ودھ تے 30ہزار ارب روپے تئیں پج گن ۔ وزیراعظم آکھیا جو جیرھے قرضے گھدے گن انہاں دیاں قسطاں دی ادائیگی سانگے مزید قرضے گھننڑیں پوندے پن ۔انہاں آکھیا ملک مقروض اے اگر اساں قرضے گھننڑن تاں کابینہ کوں ایں بارے سوچنڑاں ہوسی انہاں قرضیں نال پیسہ جمع تھیونڑ اں چاہیدے تے اے قرضے دی ادائیگی دے قابل ہوون ۔ وزارت خزانہ ایندا تفصیلی جائزہ وفاقی کابینہ کوں پیش کرے۔ ایں نال قرضے تے ایندے قومی معیشت تے اثرات بارے بہتر فہم پیدا تھیسی۔ وزیراعظم آکھیا جو50 لکھ گھر بنڑاونڑ دا ساریں توں ودھ اہم تے شاندار منصوبہ ہے تے ایں سانگے پورا سٹرکچر قائم کریندے پیوں ،اتھارٹی قائم کیتی ویندی پئی اے ،ون ونڈ آپریشن دے ذریعے منصوبے دا آغاز کریندے پیوں ۔ایں منصوبے کوں ترجیحی بنیاداں تے توڑ پجایا ویسی ۔معیشت اچ بہتری آسی تے روزگار دے موقع وی پیدا تھیسن ۔
