اسلام آباد ۔ 5 اکتوبر (اے پی پی) وزیراعظم عمران خان ہاﺅسنگ ٹاسک فورس ولوں 50 لکھ گھربنڑاونڑ دے منصوبے تے تھیونڑ آلی پیش رفت تے اطمینان کریندے ہوئے عزم کیتے جو رہائشی مسائل تے توجہ، گھٹ آمدن آلے طبقیاں کوں 50 لکھ گھرڈیونڑ اتے کچیاں آبادیاں کوں باقاعدہ کرنڑ ترجیح اے۔اجلاس اچ وزیر خزانہ اسد عمر، وزیر ہاﺅسنگ طارق بشیر چیمہ، وزیر منصوبہ بندی خسرو بختیار، وزیر ریلوے شیخ رشید احمد، وزیراعظم دے مشیر عبدالرزاق داﺅد، پنجاب دے وزیر ہاﺅسنگ محمود الرشید، سینئر وفاقی و صوبائی حکام شرکت کیتی۔ اجلاس اچ منصوبے دے آغاز دے طریقہ کار، عملدرآمد کیتے قانونی ڈھانچے اتے سازگار ماحول کیتے ون ونڈو سہولت سانگے ہک اعلیٰ ادارہ بنڑاونڑ تے غور کیتا گئے۔ اجلاس اچ مختلف مالیاتی ماڈلز تے وی بحث کیتی گئی۔ وزیراعظم آکھیا جو پنجاہ لکھ گھربنڑاونڑ تے توجہ ڈیونڑ توں علاوہ رہائشی مسائل تے توجہ نال روزگار دے مواقع اتے تعمیرات و ہاﺅسنگ دے شعبیاں دے ودھارے نال اقتصادی سرگرمیاں اچ ودھارا تھیسی۔
