اسلام آباد ۔ 8 اکتوبر (اے پی پی) وفاقی وزیر انسانی حقوق ڈاکٹر شیریں مزاری نال سنوار کوں وائس چانسلر سندھ مدرسة الاسلام یونیورسٹی کراچی ڈاکٹر محمد علی شیخ ملاقات کیتی جیں دوران یونیورسٹی اچ انسانی حقوق دے حوالے نال کورسز شروع کرنڑ دی تجویز تے گال مہاڑ کیتی گی ۔ایں موقع تے وائس چانسلر وفاقی وزیر کو ںادارے دی کارکردگی اتے آندے منصوبیں متعلق ڈسایا گیا ۔ڈاکٹر شیریں مزاری آکھیا جوحکومت تعلیمی شعبے اچ ترجیحی بنیاداں تے بہتری گھن آونڑ سانگے کوشاں اے ،نینگر اعلیٰ تعلیم حاصل کرتے ملک تے قوم دی خدمت اچ اپنڑاں کردار ادا کر سگدن۔انھاں آکھیا جو اعلیٰ تعلیم دی فراہمی یقینی بنڑاونڑ سانگے حکومت ترجیحی بنیاداں تے سارے اقدامات کریندی پئی اے ۔ وفاقی وزیر اعلیٰ تعلیم دے ودھارے سانگے وائس چانسلر کوں اپنڑے پورے تعاون دا یقین ڈوایا ۔
