وفاقی کابینہ داگذریل ڈاہ سالاں اچ گھدے گئے بیرونے قرضیاں دا آڈٹ، ای سی ایل اچ پاتے گئے لوکاں دا ولا جائزے دا فیصلہ

اسلام آباد۔ 11 اکتوبر (اے پی پی)وفاقی وزیر اطلاعات ونشریات چوہدری فواد حسین آکھیے جو وفاقی کابینہ داگذریل ڈاہ سالاں اچ گھدے گئے بیرونے قرضیاں دا آڈٹ کراونڑ، ای سی ایل اچ پاتے گئے لوکاں داولا جائزہ گھنڑ، سٹیل مل ملازمین دی ایں مہینے دی تنخواہ ڈیونڑ،یوریاکھاد خریداری کیتے پیپرا رول 35 اچ نرمی دا فیصلہ کیتے،کے الیکٹرک دے چینی کمپنی نال معاہدے دے جائزہ کیتے کمیٹی بنڑا ڈتی گئی اے جڈاں جوچیئرمین نیب کوں ہائی پروفائل کیسز تیکھے نمٹاونڑ دی ہدایت کریندے ہوئینں اے وی فیصلہ کیتا گئے جو سگریٹ اتے پینٹ کمپنیاں دے خلاف کریک ڈاﺅں کرنڑ دے نال نال سمگل شدہ موبائل تے پابندی لائی ویسی۔کابینہ اجلاس بارے میڈیابریفنگ اچ فواد چوہدری دا آکھنڑ ہا جو کابینہ ائیر وائس مارشل ارشدمحمود ملک کوں چیئرمین پی آئی اے،میاں محمد سومرو کوں چیئرمین نجکاری کمیشن اتے عون عباس پبی کوں ایم ڈی پاکستان بیت المال لاونڑ دی منظوری ڈتی اے۔انہاں آکھیے جوحکومت ملک دا لٹیا مال ولا گھنڑ آونڑ دی کوشش کریندی پئی اے ،ایہا وجہ اے جو اپوزیشن احتجاج کریندی پئی اے،ملک کوں ایں حال اچ گھن آونڑ آلیاں دی نشاندہی اتے مقدمے چلاونڑ کیتے ہک پارلیمانی کمیٹی بنڑاونڑ سانگے پارلیمنٹ اچ ہک قراردادگھن آساں۔انہاں آکھیے جو وزیراعظم پی آئی اے دی ری سٹریکچرنگ ،آپریشنل اموردی بہتری اتے 406 ارب روپے دے قرض اتے ماہانہ ڈو ارب روپے دے نقصان توں کڈھنڑ کیتے نویں چیئرمین پی آئی اے کوں ہدایت کیتی اے جو او تیزی نال کم کرن،نواں سی ای او پی آئی اے وی جلدی لا ڈتا ویسی جڈاں جو اسلام آباد نیو انٹر نیشنل ایئر پورٹ منصوبے دا تفصیلی آڈٹ ،پرفارمنس آڈٹ کراونڑ دی منظوری ڈتی اے،ای سی ایل دے حوالے نال وزارت داخلہ اپنڑی جائزہ رپورٹ کابینہ دے آندے اجلاس اچ پیش کریسن۔وزیراعظم فوری ایف بی آر اصلاحات دی ہدایت ڈیندے ہوئیں سگریٹ اتے پینٹ کمپینیاں کوں ٹیکس نیٹ اچ پاونڑ کیتے وڈے کریک ڈاﺅن دا فیصلہ کیتے جڈاں جو ایں سال دے چھیکڑ تئیں پاکستان اچ سمگل شدہ موبائل فون دے استعمال تے پابندی لا ڈتی ویسی۔انہاں آکھیے جو وزیراعظم ترسیلات زر ودھاونڑ،ہیلتھ کارڈ اجراءاتے ہکو جھیں نظام نصاب سانگے اقدامات دا آکھیے ،