اسلام آباد ۔ 30 اکتوبر (اے پی پی) وفاقی وزیر اطلاعات و نشریات چوہدری فواد حسین آکھیے جو پاکستان دے نادہندہ تھیونڑ دا خطرہ ٹل گئے،وزیراعظم دے دورہ چین نال حالات بئے چنگے تھیسن،اپوزیشن صرف این آر اوکیتے اے پی سی چاہندی اے،نوازشریف دی سیاست مک چکی اے،وزیراعظم کوں اختیارات استعمال کرنڑ دا پوراحق اے،بیوروکریسی جوابدہ نہ تھئی تاں ملک کیویں چلسی،جیکر بیوروکریٹس حکومت کرنڑی اے تاں انہاں کوں ڈے ڈیندے ہیں،عوامی شکایات پورٹل تے ہک لکھ شکایات مل چکین۔ پارلیمنٹ ہاو ¿س دے باہرو میڈیا نال گالھ مہاڑکریندے ہوئے انہان دا آکھنڑ ہا جوملکی حالات سدھرنڑ لگ گین، وزیر اعظم عمران خان دے بیرون ملک دوریاں پاروں سٹاک مارکیٹ اچ کاروبار دا حجم ریکارڈ ودھیے، سرمایہ کاری کیتے ماحول سازگار تھیندا پئے،وزیر اعظم دے دورہ چین نال اقتصادی صورتحال بئی چنگی تھیسی۔نوازشریف اتے زرداری ملک کوں جیہڑے معاشی گرداب اچ پھسایا ہا او حکومت دیاں مثبت پالیسیاں پاروں ٹھیک تھیندا پئے،اتے ڈیفالٹ تھیونڑ دا خطرہ ٹل گئے،پاکستان تیزی نال تیزی کریندا پئے، وزیراعظم دے شکایات پورٹل تے عوام اعتماد کریندے پین، ایندے نال عوام آپ اپنڑے مسائل اتے انہاں دا حل ڈسا سگسن۔وزیراطلاعات آکھیا جو آئی جی اسلام آباد دا معاملہ صرف سینیٹر اعظم سواتی دا نئیں،وزیر مملکت داخلہ شہریار آفریدی وی ایندی شکایت کر چکین،آئی جی اسلام آباد وزیراعظم کوں جوابدہ ہین، جیکربیورو کریسی جواب ڈیونڑ دی بجائے حکومت کرنڑدے زعم اچ ہووے تاں ول انتخابات دی کیہیں لوڑھ اے، حکومت انہاں کوں ڈے ڈیندے ہیں،بیورو کریسی ۔ انہاں آکھیے جو نوازشریف دی سیاست مک چکی اے او ہنڑ صرف پارلیمنٹ ملنڑ ملاونر ہی آ سگدن، اپوزیشن صرف این آر او اتے مقدمیاں اچ رعایت کیتے اے پی سی چاہندن، اپوزیشن کولوں کوئی اینجھا بندہ کائنی جیندے تے مقدمے نہ ہوون،اینجھے بندے کوں پی اے سی دا چیئرمین بنڑیسوں جیہڑا شفاف ہووے۔
