اسلام آباد ۔23اکتوبر (اے پی پی) پاک بحریہ دے سربراہ ایڈمرل ظفر محمود عباسی نال آذربائیجان سٹیٹ بارڈر سروس دے چیف کرنل جنرل الچین گلیوف ملاقات کیتی۔ملاقات اچ سانجھی دلچسپی دے مختلف امور تے گال مہاڑ کیتی گی۔ ترجمان پاک بحریہ مطابق آذربائیجان سٹیٹ بارڈر سروس دے چیف کرنل جنرل الچین گلیوف نیو ل ہیڈ کوارٹرز اسلام آباد دا دورہ کیتا جتھاںانہاں پاک بحریہ دے سربراہ نال ملاقات کیتی۔ ملاقات اچ خطے دی سکیورٹی کو ں بیامستحکم بنڑاونڑ سانگے آپس اچ تعاون تے وی گال بات تھئی۔ سربراہ پاک بحریہ خطے دی میری ٹائم سکیورٹی دے قیام اچ پاک بحریہ دے کردار تے روشنی پاتی۔آذربائیجان سٹیٹ بارڈر سروس دے چیف بحری قزاقی اتے میری ٹائم دہشت گردی کوں روکنڑ سانگے پاک بحریہ دیاں کوششاں دی تعریف کیتی۔
