راولپنڈی۔ یکم اکتوبر (اے پی پی) پاک فوج دے سربراہ جنرل قمر جاوید باجوہ دے زیر صدارت کور کمانڈرز کانفرنس تھئی جیندے اچ ملکی سلامتی تے غور کیتا گیا، آرمی چیف شرکا کوں اپنڑے دورہ چین بارے وی ڈسایا ۔پا ک فوج دے شعبہ تعلقات عامہ(آئی ایس پی آر ) دے مطابق آرمی چیف جنرل قمر جاوید باجوہ دی سدارت اچ 214ویں کورکمانڈر کانفرنس سونوار کوں جی ایچ کیو راولپنڈی اچ تھئی جیندے اچ جیو اسٹریٹجک اتے ملک اچ جاری آپریشن ردالفساد دے تحت استحکام آپریشنز دی پیشرفت دا جائزہ گھدا گیا۔کورکمانڈرز کانفرنس اچ کامیاب انسداد دہشت گردی آپریشنز توں ملنڑ آلے امن و استحکام کوں برقرار رکھنڑ دے عزم دا اظہا کیتے۔آرمی چیف محرم الحرام تے سیکیورٹی چنگی کرنڑ تے انٹیلیجینس اداریاں اتے فورسز دی تعریف کیتی۔انہاں شرکا کوں اپنڑے کامیاب دورہ چین بارے وی ڈسایا۔
