اسلام آباد ۔ 24 اکتوبر (اے پی پی) وفاقی سیکرٹری اطلاعات و نشریات شفقت جلیل آکھیے جو پریس انفارمیشن ڈیپارٹمنٹ (پی آئی ڈی) اچ بھاہ لگنڑ دے معاملے دی تحقیقات کیتیاں ویسن ، بھاہ پاروں کوئی جانی ضیان دی اطلاع کائنی ملی تاں جو پی آئی ڈی دا ہک افسر زخمی تھے ،بھاہ تے قابو پاونڑ دے بعد صورت حال واضح تھی یسی ۔او بدھ کوں پی آئی ڈی دے باہروں میڈیا نال گال مہاڑ کریندے پے ہن ۔ایں موقع تے پی آئی ڈی دے افسراں، عملہ، پولیس، سی ڈی اے، فائر بریگیڈ داعملہ اتے عوام دی وڈی تعداد موجود ہئی ۔ سیکرٹری اطلاعات آکھیا جو بھاہ لگنڑ دے معاملے دی تحقیقات کیتیاں ویسن ۔انہاں آکھیا جو پی آئی ڈی اچ لگنڑ آلی بھاہ کوں مانیٹر کیتا ویندا پئے تاں جو پی آئی ڈی دا ہک افسر مقبول احمد زخمی تھئے جیں کوں وختی ہسپتال منتقل کرڈتاگے اتے پی آئی ڈی دے ملازم خیریت نال ہن ۔ ایندے توں پہلے پریس انفارمیشن ڈیپارٹمنٹ (پی آئی ڈی) دے ڈائریکٹوریٹ آف الیکٹرانک میڈیادے کمرے اچ اچانک بھاہ لگ گی ،بلڈنگ توں سنارکل دی مدد نال لوکاں کوں کڈھیا گیا بھاہ لگنڑ دے بعد پی آئی ڈی دی بلڈنگ کوں خالی کرگھدا گے ۔ بھاہ نال ڈائریکٹوریٹ آف الیکٹرانک میڈیا دے کمرے کوں ضیان پجے تے کمرے اچ دفتر کاغذات سڑ گن ۔بھاہ دے دھوئیں پاروں کجھ لوکاں دی حالت غیر تھی گئی جنہاں کوں وختی ہسپتال منتقل کر ڈتا گیا ہنڑ انہاں دی حالت خطرے توں باہر اے ۔
