لاہور۔6اکتوبر(اے پی پی )وفاقی وزیر تعلیم،پروفیشنل ٹریننگ ،قومی تاریخ وادبی ورثہ شفقت محمود آکھیے جو پورے ملک اچ یکساں نطام تعلیم سانگے ترجیحی بنیاداں تے کم جاری اے جڈاں جو حکومت نیشنل کریکلم تے نظر ثانی کریندی پئی اے ،انہاں خیالاں دا اظہار انہاں گزریل ڈینھ اقبال اکیڈمی پاکستان دی گورننگ باڈی دے 53 ویں اجلاس نال خطاب کریندے ہوئیں کیتا ۔ اجلاس اچ اقبال اکیڈمی دے نائب صدر ڈاکٹر شہزاد قیصر وفاقی سیکرٹری قومی تاریخ و ورثہ انجینئر عامر رضا ڈاکٹر عبد الغفار سومرو ڈاکٹر رفیع الدین ہاشمی ڈاکٹر احسان اکبر سمیت چارے صوبیں توں اقبال سکالرز وی شرکت کیتی ۔شفقت محمود آکھیا جو اقبال دی تعلیمات کوں قومی نصاب اچ بہتر طریقے نال شامل کیتا ونجے ایں کوں طالب علماں سانگے دلچسپ بنڑایا ونجے ،انہاں آکھیا اقبال دا کلام صرف نصابی حد تئیں نہ رہے بلکہ یونیورسٹیاں کالجز سمیت سکولاں اچ وی اقبال سوسائٹیز دا قیام عمل اچ لاتا ونجے ۔
