راولپنڈی۔20 اکتوبر(اے پی پی) چیف آف آرمی سٹاف جنرل قمر جاوید باجوہ نال قطر دے نائب وزیر اعظم اتے وزیر خارجہ محمد بن عبدالرحمان الثانی اتھاں ملاقات کیتی ۔ہفتے کوں آئی ایس پی آر توں جاری پریس ریلیز دے مطابق ملاقات دے دوران سیکیورٹی اتے سانجھی دلچسپی دے امور تے گال مہاڑ کیتی گی ۔چیف آف آرمی سٹاف جنرل قمر جاوید باجوہ آکھیا جو پاکستان علاقائی امن اتے استحکام سانگے اپنڑاں مثبت کردار جاری رکھیسی ۔ قطر دے وزیر خارجہ محمد بن عبدالرحمان الثانی خطے اچ امن اتے استحکام سانگے پاکستان دیاں کاوشاں دے دہشت گردی دے خلاف جنگ اچ قربانیاں دی تعریف کیتی ۔
