راولپنڈی۔15 نومبر (اے پی پی) پاک فوج ایس پی طاہر داوڑ دے قتل دی مذمت کریندے ہوئیں آکھیے جو طاہر داوڑ دا اسلام آباد توں اغوا، افغانستان منتقلی، اتھاں قتل اتے ول افغان حکام دا رویہ کئی سوال چھوڑیندے اتے ایندے نال اے گالھ سامنڑے آندی اے جو اے معاملہ افغانستان اچ صرف ہک دہشتگرد تنظیم تئیں محدود کائنی ، ایندے اچ بئے وی کئی عناصر کردار ادا کیتے۔پاک فوج دے ترجمان میجر جنرل آصف غفورآکھیے جو ایس پی طاہر داوڑ دا افغانستان اچ قتل انتہائی قابل مذمت اے، اساں ہک بئے بہادر پولیس افسر توں ہتھ دھو بیٹھے ہیں۔ انہاں ٓکھیے جو پاکستانی حکام ولوں تحقیقات جاری ہین، اساں اے عزم دوہریندے ہیں جو افغان سکیورٹی حکام سرحد تے باڑ لاونڑ اتے ڈوطرفہ بارڈر سکیورٹی کوآرڈی نیشن اچ ہتھ ونڈیسن تاں جو افغان سرزمین پاکستان دے خلاف استعمال نہ کیتی ونج سگے۔
