اسلام آباد ۔ 6 نومبر (اے پی پی) وزیراعظم عمران خان آکھیے جو حضور دی سیرت طیبہ دے پیغامِ رحمت کوں آندیاں نسلاں تئیں پچاونڑ ریاست دی ذمہ واری اے،ریاست مدینہ دے قیام کیتے علما کرام اتے دینی طبقات دی مشاورت دی لوڑھ اے، 12ربیع الاول شایانِ شان منایا ویسی، اسلام آباداچ ڈو ڈیہاڑی ختمِ نبوت انٹرنیشنل کانفرنس کرائی ویسی۔ اے گالھ وزیراعظم عمران خان وفاقی وزیر برائے مذہبی امور نور الحق قادری نال ملاقات اچ گالھ مہاڑکریندے آکھی۔ایں موقعے تے وفاقی وزیرِ اطلاعات چوہدری فواد حسین وی موجود ہن۔وفاقی وزیر برائے مذہبی امور نور الحق قادری وزیرِاعظم کوں موجودہ صورتحال تے بریفنگ ڈتی۔وزیراعظم آکھیا جو او مشائخ اتے علماءنال مسلسل بذاتِ خود رابطے اچ راہسن، اتے اساں پرامن اسلام دے تشخص کوں جگ اچ پیش کرنڑ چاہندے ہیں ایندے کیتے میکوں ریاستِ مدینہ دے قیام سانگے علما کرام اتے دینی طبقات دی صلاھ دی لوڑھ اے۔ انہاں 12 ربیع الاول شایانِ شان مناونڑ کیتے اقدامات دی وی ہدایت کیتی اتے آکھیا جو اسلام آباد اچ ڈو ڈینہہ دی ختمِ نبوت انٹرنیشنل کانفرنس وی تھیسی جیندے اچ امامِ کعبہ، جامعة الاظہر دے وائس چانسلر، شام دے مفتی، عراق اتے تیونس دے علماءکرام حضوردی سیرتِ مبارکہ تے گالھ مہاڑ کریسن۔
