راولپنڈی ۔ 23 نومبر (اے پی پی) پاک فوج دے سربراہ جنرل قمر جاوید باجوہ آکھیے جودہشت گردی اتے انتہا پسندی دے خلاف جنگ حالی نئیں مُکی،ملک اچ کوئی وی فساد کھنڈنڑ ڈیسوں نہ ، ریاست اچ مذہب، لسانیت یا کہیں بئی بنیاد تے انتشار نہ پھیلنر ڈتا ویسی۔ اے گالھ انہاں ملتان گیریژن دے دورہ ویلھے افسراں اتے جواناں نال ملاقات اتے خطاب اچ آکھی۔ پاک فوج دے شعبہ تعلقات عامہ (آئی ایس پی آر) دے مطابق آرمی چیف جنرل قمر جاوید باجوہ ملتان گریژن دا دورہ کیتے،آپریشنل تیاریاں سانگے مشق دا جائزہ گھدا اتے زور ڈتا جو پیشہ وارانہ صلاحیت اتے آپریشنل تیاریاں نال جنگ روکی ونج سگدی اے۔ انہاں افسراں اتے جواناں نال ملاقات اچ ملکی صورتحال، درپیش چیلنجزاتے انہاں نال نمٹنڑ کیتے اپنڑی سوچ اتے تجربے بارے ڈسایا۔ انہاں آکھیا جو کائینیٹک آپریشنز دے بعد استحکام کیتے آپریشنز جاری ہین، دہشت گردی اتے انتہاپسندی دے خلاف جنگ حالی نئیں مُکی، متحرک کوششاں نال اندرونی قوتاں اتے بیرونی دشمن دے ایجنڈے توں باخبر رہندے ہوئیں بنیادی وجوہات دا پتا لاونڑ کیتے اقدامات کرنڑے چاہیدن۔ آرمی چیف آکھیا جو قومی ایکشن پلان تے عملدرآمد دے نال نال ساڈی توجہ سماجی و اقتصادی ترقی تے راہنڑی چاہیدی اے تاں جو عوام کوں امن و سلامتی دا فیدہ پج سگے۔
