اسلام آباد ۔ یکم نومبر (اے پی پی) وفاقی وزیر تعلیم و تربیت شفقت محمودآکھیا جو عمران خان سڑکاں بلاک کرنڑ آلیاں دے خلاف دلیرانہ موقف اختیار کیتا،گزریل دور اچ ایجھی صورتحال تے اوں ویلھے دے حکمران چپ کر ویندے ہن،عمران خان دے ایں اقدام دی تعریف کرنڑی چاہید ی اے۔خمیس کوں قومی اسمبلی اچ خورشید شاہ دے نکتہ اعتراض دا جواب ڈیندیں ہوئیں وفاقی وزیر آکھیا جو سپریم کورٹ فیصلہ ڈتے،حکومت دی ذمہ داری اے جو ایں فیصلے تے عملدرآمد کرایا ونجے،اساں نی چاہندے جو ایں فیصلے تے سیاست کیتی ونجے،افسوس اے جو ایں معاملے تے سیاست کھیڈی گئی اے۔خورشید شاہ ریاست دی عملداری چیلنج کرنڑ آلیاں دی مذمت کائنی کیتی۔
