اسلام آباد۔16 نومبر (اے پی پی) وزیر اعظم دے معاون خصوصی اوورسیز پاکستانیز ذوالفقار عباس بخاری آکھیے جو قطر ولوں ملازمتاں دا اعلان پاکستان سانگے انہاں دی محبت دا ثبوت اے ۔اے گا ل انہاں اے پی پی نال گال مہاڑ کریندے ہوئیں آکھی ۔انہاں آکھیا جو میڈی قطر دے وفد نال جیرھی ملاقات تھئی اے ایندے اچ ہنر مند لوکاں دی قطر اچ طلب دے حوالے نال گال مہاڑ کیتی گی اے ۔انہاں آکھیا جو اگلے مہینے دسمبر دے چھیکڑ تئیں اسلام آباد اتے کراچی اچ ویزاسنٹر قائم کر ڈتے ویسن جتھاں قطر دے ویزا دیاں سہولتاں میسر ہوسن ۔
