اسلام آباد ۔ 25 نومبر (اے پی پی) وفاقی وزیر آبی وسائل فیصل واوڈا آکھیے جو ملک اچوں بد عنوانی دے خاتمے سانگے کڑے احتساب دا عمل بہوں ضروری اے ۔ہک نجی چینل نال گال مہاڑ کریندے ہوئیں انہاں آکھیا جو ملک توں بد عنوانی تے نادار عوام دی فلاح بہبود حکومت دی پہلی ترجیح اے ۔انہاں آکھیا تحریک انصاف دی حکومت قومی اداریں دی کاکردگی چنگی کرنڑ چاندے تے اداریں کوں مضبوط بنڑاونڑ سانگے اقدامات کریندی پئی اے ۔ فیصل واوڈاآکھیا جڈاں پاکستان تحریک انصاف دی حکومت برسراقتدار آئی اوں وقت ملک کوں وڈے مالی گھاٹے دا سامنڑاں ہئی ۔ہک سوال دے جواب اچ انہاں آکھیا پاکستان تحریک انصاف کہیںدا سیاسی استحصال کائنی کیتا تے نہ ہی اساڈی حکومت ایندے تے یقین رکھیندی اے اساں بلا امتیاز احتساب دے حامی اوں۔
