اسلام آباد ۔ 22 نومبر (اے پی پی) وزیر خزانہ اسد عمر دے زیر صدارت کابینہ دی اقتصادی رابطہ کمیٹی دا اجلاس تھئے جیندے اچ وزارت صنعت و پیداوارولوں پاکستان سٹیل ملز دے متوفی ملازمین دے ٹبر کوں بقایاجات (پراویڈنٹ فنڈ، گریجوایٹی اتے پے رول واجبات) دی ادائیگی کیتے 1066.078 ملین روپے گرانٹ دی تجویزمنظورکرنڑ دے نال نال وزارت تجارت ولوں افغانستان اتے وسطی ایشیائی ریاستاں توں طورخم بارڈردے ذریعے کپاہ برآمد کرنڑ دی تجویز تے غور سودھا گنے دے کاشتکاراں دے بقایا جات دے التواءاتے شوگر ملاں دی مشکلات، اضافی سٹاک اتے ممکنہ برآمدات سودھے مختلف امور تے غورکیتا گئے۔اجلاس متعلقہ وزارتاں کوں ہدایت کیتی جواو زمینی رستے نال درآمدتھیونڑ آلی کپاہ کوں انجھ رکھنڑ کیتے قرنطینہ دی مستقل سہولت نال متعلقہ صنعت نال روابط رکھے۔سیکرٹری وزارت نیشنل فوڈ سیکورٹی اینڈ ریسرچ چینی دی ویلیو ایڈیشن دی رپورٹ پیش کیتی۔ کمیٹی وزارت نیشنل فوڈ سیکورٹی اینڈ ریسرچ اتے صنعت و پیداواردے مشیر کوں آکھیا جو اوپاکستان شوگر ملز ایسوسی ایشن نال مل تے اے مسلہ حل کرن۔ای سی سی پاسکو کو پولٹری ایسوسی ایشن آف پاکستان کوں کنڑک دے اضافی سٹاک اچوں ڈو لکھ ٹن کنڑک ویچنڑ دی ہدایت کیتی اتے فیصؒہ کیتا جو سردیاں اچ گیس لوڈ مینجمنٹ دے منصوبے کوں آندے اجلاس اچ زیر غور گھن آیا ویسی۔
