کرتارپور ۔ 28 نومبر (اے پی پی) وفاقی وزیر مذہبی امور پیر نور الحق قادری آکھیے جو پاکستان اقلیتاں کیتے محفوظ ترین ملک اے، کرتار پور گردوارہ کوں جدید ترین بنڑیسوں۔ اے گالھ وفاقی وزیر مذہبی امور پیر نور الحق قادری کرتار پور راہداری دی تقریب نال خطاب اچ آکھی۔انہاں آکھیا جو اج اساں تاریخ دی ہک وڈی شخصیت بابا گرونانک دیومہاراج دی یادگار تے کھڑے ہیں جتھاں انہاں حیاتی دے یارہاں سال لنگھائن، انہاں وی توحید، انسانیت اتے خدمت خلق دے گالھ کیتی اتے قوم کوں بقائے باہمی ڈسائی۔ انہاں آرمی چیف جنرل قمر جاوید باجوہ اتے سابق بھارتی کرکٹر نوجوت سنگھ سدھو دی وزیراعظم عمران خان دی حلف برداری تقریب اچ گلکڑی دا ڈسیندے آکھیا جو ایندے نال جیکر چنگائی تھیندی اے تان اینجھیاں گلکڑیاں بیاں وی لگڑیاں چاہیدن۔ انہاںا ٓکھیا جو سکھوں دی چنگائی کیتے متروکہ وقف املاک بورڈدی ذمہ داری حکومت چنگے طریقے نال نبھیسی،کرتار پور گردوارہ جدید ترین ہوسی،ہک سال بابا گرونانک دا 550واں جمنر ڈینہہ شاندار طریقے نال منایا ویسی۔
