ابوظہبی ۔18 نومبر(اے پی پی )پاکستان اتے نیوزی لینڈ دا پہلا ٹیسٹ فیصلہ کن مرحلے اچ آگئے،اپنری ڈوجھی اننگز اچ نیوزی لینڈ پاکستان کوں جیتنڑ کیتے 176 رنز دا ہدف ڈتے،لیگ سپنریاسر شاہ اتے فاسٹ بالرحسن علی تباہ کن بالنگ کرینےد ہوئیں نیوزی لینڈ کوں ساہ نئیں پٹنڑ ڈتا، ڈوہائیں بالراں پنج پنج وکٹاں گھن تے میچ دا پاسا پتر ڈتے، واٹلنگ اتے نیکولز دیاں نصف سنچریاں ، پاکستان ڈوجھی اننگز اچ بغیر کہیں نقصان دے 37 رنزبنرا گھدے،گرین شرٹس کوں جیتنڑ کیتے 139 رنزدی لوڑھ اے۔ٹیسٹ دے تریجھے ڈینہہ نیوزی لینڈ 56 رنز ہک کھلاڑی آﺅٹ تے اننگ شروع کیتی تاں 86 دے سکور تے یاسر شاہ ولیمسن کوں 37 رنزتے آو ¿ٹ کر ڈتے،حسن علی ہکے اوور اچ روز ٹیلراتے جیت راول کوں پویلین بھیج ڈتے۔روس ٹیلر صرف انوی رن بنڑا سگین، جیت راول 46 رنزبنڑائے، ایں موقع تے ہنری نیکولز اتے بی جے واٹلنگ ڈٹ گین اتے رل تے پنجویں وکٹ دی شراکت تے 112 قیمتی رنز بنڑائن۔220دے مجموعی سکور تے یاسر شاہ نیکولز کوں آﺅٹ کرتے پاسا پلٹ ڈتے۔نیکولز 55 رنزبنڑائے، کولن ڈی گرینڈہوم 3 رنزتے یاسر شاہ دا شکار بنڑین اتے واٹلنگ وی 59 رنز تے یاسر شاہ دے ہتھو پویلئن ٹر گئے۔ایندے بعد ہک سارے کیویز کھیلاڑی249 رنز تے آو ¿ٹ تھی ۔ ایویں نیوزی لینڈ جیت کیتے پاکستان کوں پہلی اننگ دے چوہتررنز دی کٹوتی توں بعد 176 رنز دا ہدف ڈتے۔جواب اچ پاکستانی ٹیم تریجھے ڈینہہ داکھیڈ مکنڑ تے بغیر کہیں نقصان 37 رنزبنڑائے ہن۔امام الحق 25 اتے حفیظ 8 رنز نال وکٹ تے موجود ہن۔
