اسلام آباد ۔ 21 نومبر (اے پی پی) وفاقی وزیر مذہبی امور و بین المذاہب ہم آہنگی پیر نور الحق قادری آکھیے جو پاکستان دا آئین جیں کوں غیر مسلم قرار ڈیوے او کڈاہیں مسلمان کائنی تھی سگدا ۔وزارت مذہبی امور علما ءکرام تے حکومت وچال پل دا کردار ادا کریندی رہ ویسی ۔حضور ﷺ دی تعلیمات اساں کیتے مشعل راہ اے ۔اے گال انہاں بدھ کوں سیرت النبی ﷺ کانفرنس نال خطاب کریندے ہوئیں آکھی۔انہاں آکھیا سیرت النبی کانفرنس دا انعقاد رسمی یا روایتی طریقے نال کائنی بلکہ عبادت سمجھ تے کریندے پیوں کیوں جو اللہ تعالیٰ دے بعد اساں تے حضوردے ساریں توں ودھ احسانات ہن ۔انہاں آکھیا اے قابل مسرت گال اے جو کانفرنس اچ برطانیہ، بھارت، ایران، عراق، سعودی عرب، مراکش، لبنان، شام اتے بئے علماءکرام تے مشائخ شرکت کریندے پن ۔
