اسلام آباد ۔ 12 نومبر (اے پی پی) وفاقی وزیر تعلیم و پیشہ ورانہ تربیت شفقت محمود آکھیے جو پورے ملک اچ ہکو جھیں نظام تعلیم و نصاب کیتے نصاب کونسل بنڑائی ویسی، تعلیمی رضا کار پروگرام شروع کرنڑ کیتے وزیراعظم کوں درخواست کریسوں۔ اے گالھ انہاں اسلام آباد اچ 11ویں بین الصوبائی وزراءتعلیم کانفرنس توں بعد ہک نیوز کانفرنس کریندے اکھی۔انہاں آکھیا جو تعلیم کون سیاست تون ہٹ تے ڈیکھنڑا چاہیدے،ملک دیاں ساریاں اکائیاں نظام تعلیم کیتے سنجیدہ ہین، سکولاں توں باہرو بالاں کوں تعلیم ڈیونڑ کیتے پوری توجہ ڈتی ویندی پئی اے۔ شفقت محمود آکھیا جو ملک اچ نجی سرکاری اتے مدارس دے ترائے مختلف نصاب تعلیم دی بجائے یکسان نصاب تعلیم دی لوڑھ اے جیندے کیتے سارے فریقاں دی صلاح نال یکساں نصاب کونسل بنڑیسوں جیندے اچ چھی مضمون اینجھے ہوسنجیہڑے ہر قسم دے سکولاں اچ پڑھائے ویسن۔ ایں توں پہلے 11ویں بین الصوبائی وزراءتعلیم کانفرنس اچ سارے صوبیاں سندھ، بلوچستان، پنجاب، خیبرپختونخوا، گلگت بلتستان اتے ریاست آزاد کشمیر دے وزراءتعلیم، سیکرٹری تعلیم اتے بئے اعلیٰ حکام شرکت کیتی۔
