اسلام آباد ۔ 24 دسمبر (اے پی پی) بانی پاکستان، بابائے قوم قائداعظم محمد علی جناح ؒ دا 143 واں یوم پیدائش صبحائیں منگل کو ں عقیدت تے احترام نال منایا ویسی۔ او 25 دسمبر 1876ءکو ںکراچی اچ جمیے ہن۔ انہاں ابتدائی تعلیم کراچی توں حاصل کیتی جیندے بعد اعلیٰ تعلیم سانگے لندن چلے گے ہن۔ انہاں1896ءاچ قنون دی ڈگری حاصل کیتی اتے وطن واپس آ تے اپنڑاں لیگل کیریئر شروع کیتا۔ بعداچ قائد اعظم آل انڈیا مسلم لیگ اچ شامل تھی گئے اتے برصغیر دے مسلماناں سانگے ہک انجھ ملک تے وطن دی جدوجہد شروع کیتی۔ انہاں دیاں کوششاں نال 14 اگست 1947ءکوں قیام پاکستان دی صورت اچ انہاں دے خواباں کوں تعبیر ملی۔ پاکستان قائداعظم دی قیادت اتے انہاں دی انتھک جدوجہد دااعتراف کریندے۔ ایں موقع تے عام تعطیل (چھٹی) ہوسی ۔ساریاں قومی تے نجی عمارتاں تے پاکستان دا قومی پرچم لہرایاویسی۔ ڈینھ داآغاز کراچی اچ مزار قائد تے قرآن خوانی نال تھیسی جڈاں جو قائداعظم محمد علی جناحؒ دے جمنڑے دے ڈینھ دے موقع تے مختلف سماجی، سیاسی، سرکاری تے غیرسرکاری اداریاں بشمول آزاد جموں تے کشمیر اچ وی مختلف پروگراماں دا انعقاد کیتا ویسی جنہاں اچ بابائے قوم دیاںخدمات کوں خراج عقیدت پیش کیتا ویسی۔ زندگی دے مختلف شعبیں نال تعلق رکھنڑ آلے عوام یوم پیدائش دے موقع تے عظیم قائد دے مزار تے حاضری ڈیسن اتے فاتحہ وی پڑھسن۔ ایںموقع تے پاکستان ٹیلی ویژن اتے ریڈیو پاکستان تے عظیم قومی رہنما کوں خراج عقیدت پیش کرنڑ سانگے خصوصی پروگرام نشر کیتے ویسن جڈاں جو اخباراں اچ وی خصوصی سپلیمنٹ چھاپیے ویسن۔
