بل گیٹس دا پولیو دے خاتمے دیاں کاوشاں تے وزیراعظم عمران خان کوں خراج تحسین، مختلف شعبیں اچ تعاون جاری رکھنڑ دا یقین ڈوایا

اسلام آباد ۔ 5 دسمبر (اے پی پی) امریکی کمپنی مائیکروسافٹ کارپوریشن دے بانی اتے بل اینڈ ملینڈا گیٹسفاﺅنڈیشن دے شریک چیئرمین بل گیٹس پولیو دے خاتمے کیتے وزیراعظم عمران خان دیاں کوششاں دی تعریف کریندے ہوئیں مختلف شعبہ جات اچ اپنڑاں تعاون جاری رکھنڑ دا یقین ڈوائے ۔ وزیراعظم عمران خان اتے بل گیٹس وچال بدھ کوں ٹیلی فون تے گال مہاڑ تھی ۔ تقریباً 30 منٹ تئیں جاری رہنڑ آلی ایں گال مہاڑ دے دوران وزیراعظم دے انسداد پولیو بارے فوکل پرسن بابر بن عطا وی موجود ہن ۔ بل گیٹس انتخاب جتنڑ تے منصب سنبھالنڑ تے وزیراعظم کوں مبارخ ڈتی ۔انہاں پولیو دے خاتمے دیاں کاوشاں تے وزیراعظم کوں خراج تحسین پیش کیتا تے مختلف شعبیں اچ تعاون جاری رکھنڑ دایقین ڈیوایا ۔گال مہاڑ دے دوران پاکستان اچ آئی ٹی دے شعبے کوں تقویت ڈیونڑ تے وی گال مہاڑ تھئی ۔وزیراعظم سماجی شعبے اچ تعاون تے بل گیٹس دا شکریہ ادا کیتا۔