ابوظہبی ۔ 5 دسمبر (اے پی پی) فیصلہ کن ٹیسٹ اچ اظہر اتے شفیق دیاں سنچریاں پاروں پاکستانی ٹیم پہلی اننگز اچ 348 رنزبنرا گھدن، اظہرعلی 134 اتے اسد شفیق 104 رنزبنڑائے،نیوزی لینڈ اپنڑی ڈوجھی اننگ اچ 2 وکٹاں تے 26 رنزبنڑا گھدن، کیویز کوں گرین شرٹس دی پہلی اننگز دی برتری ختم کرنڑکیتے 48 رنزلوڑھ ہین جڈاں جو سٹار سپنریاسر شاہ تیز ترین ٹیسٹ وکٹاں دا ریکارڈ بنڑاونڑ کیتے صرف ہک وکٹ پچھو رہ گین۔ابو ظہبی ٹیسٹ اچ پاکستان دی پوزیشن چنگی تھی گئی اے اتے اوکوں پہلی اننگ اچ نیوزی لیند تے اٹھتالی رنز دی حالی وی وتھی اے۔پاکستان دی ٹیم پہلی اننگ اچ 348 رنز بنڑا تے آﺅٹ تھی گئی ۔ اظہر علی اتے اسد شفیق چوتھی وکٹ دی ساجھے داری اچ 201 قیمتی رنزبنڑا تے ٹیم کوں وتھی ڈیوائی۔اظہر علی 134 اتے اسد شفیق 104 رنز بنڑائے۔ سومر ویلی ڈیبیو ٹیسٹ اچ 4 وکٹاں گھدن۔جواب اچ نیوزی لینڈ تریجھے ڈینہہ کھیڈ مکنڑ تئیں اپنڑی ڈوجھی اننگ اچ 2 وکٹاں دے نقصان تے 26 رنز بنڑا گھدن اتے اوکون پہلی اننگ دا نقصان پورا کرنڑ کیتے بئے اٹھتالی رنز دی لوڑھ اے۔ولیمسن 14اتے سومر ویلی ہک رن تے کریز تے موجود ہین۔شاہین شاہ آفریدی اتے یاسر شاہ ہک ہک وکٹ گھدی۔پاکستان ولوں اسد اتے اظہر توں علاوہ بابر اعظم 14 رنز،بلال آصف 11، یاسر شاہ ہک،حسن علی صفر تے آﺅٹ تھئے۔چھیکڑ تے کپتان سرفراز احمد 25 رنزنال کیچ آﺅٹ تھی گئے۔نیوزی لینڈ ولوں سومر ویلی 4، ٹرینٹ بولٹ اتے اعجاز پٹیل 2، 2اتے ٹم ساﺅتھی ہک وکٹ گھدی۔
