راولپنڈی ۔ 3 دسمبر (اے پی پی) راولپنڈی اچ کھیڈیے ونجنڑ آلے میچ اچ ملتان اسلام آباد کوں دلچسپ کھید توں بعد انائٹھ رنز توں ہرا تے چھیویں قومی ڈس ایبلڈ ٹی 20 کرکٹ چیمپئن شپ جیت گھدی اے۔ملتان جیت کیتے 232 رنز دا ہدف ڈتا ہا۔ملتان دے کپتان مطلوب قریشی 76 رنزبنڑا تے مین اف دی میچ رہین۔مہمان خصوصی سابق ٹیسٹ کرکٹر اتے آئی سی سی میچ ریفری کرنل (ر) نوشاد علی کھلاڑیاں اچ انعام ونڈین۔ملتان ولوں ماجد حسین 74اتے جہانزیب ٹوانہ 49 رنز بنائے۔جواب اچ اسلام آباد دی ٹیم 20 اووراں اچ 9 وکٹاں دے نقصان تے 172 رنزبنڑا سگین۔عادل عباسی 51 اتے عثمان پراچہ 37 رنز نال اگو رہین۔ملتان ولوں محمد حارث ترائے، جڈاں جو جہانزیب سلطان اتے زبیر سلیم ڈو ڈو وکٹاں گھدین۔ ماجد حسین ٹورنامنٹ دے بہترین پلیئر دا اعزاز گھدے۔مطلوب قریشی بیسٹ بیٹسمین، جہانزیب ٹوانہ بیسٹ باﺅلر اتے واقف شاہ بیسٹ فیلڈر قرارڈتے گین۔
