اسلام آباد ۔ 17 دسمبر (اے پی پی) وزیراعظم عمران خان نال ترک وزیر داخلہ سلیمان سوئلو سنوارکوں اتھاں وزیراعظم آفس اچ ملاقات کیتی ۔ وزیر مملکت داخلہ شہریار خان آفریدی وی ایں موقع تے موجود ہن ۔ترک وزیر داخلہ وزیراعظم کوں وزارت عظمیٰ دا منصب سنبھالنڑ تے ترک قیادت تے اپنڑے ولوں تے ترک صدر دا سنھیا ڈتا ۔ملاقات اچ ڈو پاسے تعلقات تے مختلف شعبیں اچ سانجھے تعاون کوں مزید ودھاونڑ دے طریقیں تے گال مہاڑ کیتی گی ۔ انہاں پاکستان کوں ترکی دے ہر ممکن تعاون دا یقین ڈوایا ۔ ترک وزیر داخلہ وزیراعظم کوں ترکی دے دورے دی دعوت ڈتی ۔ایں موقع تے وزیراعظم عمران خان پاک ترک تعلقات دے ودھارے تے اطمینان دا اظہار کریندے ہوئیں ترک صدر اتے قیادت کوں پاکستان دے دورے دی دعوت ڈتی ۔
