اسلام آباد ۔ 31دسمبر (اے پی پی) وزیراعظم عمران خان آکھیے جو پنجاہ لکھ گھر بنڑاونڑ دا منصوبہ حکومت دے اہم منصوبیاں اچ سب توں اگو تے اے جیندے نال نہ صرف گھراں دی کمی دا مسئلہ حل کرنڑ اچ مدد ملسی بھل معیشت دا پہیہ وی تیکھا تھیسی جڈاں جو نینگراں کوں روزگار ڈیونڑ دے وی موقع نکلسن۔اے گالھ انہاں اسلام آباد اچ نیا پاکستان ہاوسنگ پراجیکٹ دے اجلاس دی اگوانڑی کریندے آکھی جیندے اچ ہاوسنگ ٹاسک فورس وزیراعظم کوں پراجیکٹ تے ہنڑ تئین دی پیش رفت بارے بریفنگ ڈتی جو نیا پاکستان ہاوسنگ اتھارٹی دے قیام دی منظوری دا مسودہ تیکھے کابینہ کوں پیش کرڈتا ویسی، رئیل اسٹیٹ ریگولیٹری اتھارٹی دے قیام دا ڈرافٹ وی ایں ہفتے پیش کیتا ویسی جڈاں جو رئیل اسٹیٹ ریگولیٹری اتھارٹی دے قیام نال ریگولیٹری شعبے کوں ڈویلپمنٹ توں ونجھ کیتا ویسی۔ ٹاسک فورس سٹیٹ بنک آف پاکستان ولوں انٹرسٹ ریٹس دی تجاویز، فور کلوژر لاز بارے مشاورت تے پیش رفت دا وی ڈسایا گیا۔وزیراعظم صوبائی حکومتاں کوں ہدایتی کیتی جو پراپرٹی بارے زیر التوا قانونی کیسزکوں آندے ترائے مہینے اچ مکایا ونجے۔اجلاس کوں فیڈرل گورنمنٹ ایمپلائیز ہاوسنگ فاونڈیشن دے تحت ڈیڈھ لکھ سرکاری ملازمین کیتے تعمیر کیتے ونجنڑ آلے مکاناں بارے وی ڈسایا گیا۔
